Ku qëndron problemi?

Fëmijët më së shpeshti vuajnë nga infeksionet e pjesës së sipërme të rrugëve të frymëmarrjes (ftohja, inflamacion i sinuseve, veshëve, fytit dhe faringut). Si rregull, këto infeksione nuk janë të forta, por nëse përsëriten dhe nëse zgjasin, mund të ndikojnë në cilësinë e jetës së fëmijës. Inflamacioni i traktit të poshtëm të rrugëve të frymëmarrjes (trake, bronke dhe mushkëri) përfshin vetëm pesë për qind të të gjitha infeksioneve të frymëmarrjes.

Kohëzgjatja dhe shpeshtësia e infeksioneve të rrugëve të frymëmarrjes

Në varësi të kohëzgjatjes së infeksionit të sistemit të frymëmarrjes, ato mund të ndahen në infeksione akute, në infeksione akute të përsëritura (të shpeshta) dhe në infeksione kronike që zgjasin më shumë se tre muaj.

Incidenca e infeksioneve të frymëmarrjes tek fëmijët:

Fëmijët e vegjël (1-5 vjeç): deri në 10 infeksione në vit
Fëmijët e vegjël në kopësht: deri në 15 infeksione në vit
Fëmijët më të rritur (6-12 vjeç): 5 deri në 8 infeksione në vit

Njihen dy kulme të këtyre infeksioneve: mosha 6-12 muajsh - fëmija ka “konsumuar” antitrupat mbrojtës që ka marrë nga nëna para lindjes dhe antitrupat mbrojtës të tij ende nuk e ka zhvilluar plotësisht kontaktin e parë të fëmijës me fëmijët e tjerë (kopsht, shkollë) - ekspozim i lartë ndaj sëmundjeve të ndryshme infektive që kanë fëmijët e tjerë të grupit.

Më shumë se 90 për qind e të gjitha infeksioneve të frymëmarrjes shkaktohen nga viruset. Bakteret janë shkaktari kryesor në vetëm 5 deri në 10 për qind të të gjitha infeksioneve të rrugëve të frymëmarrjes.

Cilat janë shenjat e një infeksioni të rrugëve të frymëmarrjes?

Simptomat e përgjithshme: temperaturë e lartë trupore, lodhje, dobësi, përgjumje, ethe, irritim, dhimbje koke, dhimbje muskujsh dhe kyçesh, humbje oreksi.

Simptomat zhvillohen ndryshe për sëmundje të ndryshme dhe ashpërsia e simptomave varet gjithashtu nga gatishmëria e sistemit imunitar të individit për të luftuar infeksionet. Infeksioni i shkaktuar nga viruset, i cili tek fëmijët më të rritur shkakton shqetësime shumë të lehta tek të porsalindurit ose foshnjat, mund të shkaktojë komplikime.

Infeksionet e shpeshta por të lehta virale (p.sh. ftohja e zakonshme, riniti ) në shumicën e fëmijëve nuk kërkojnë ekzaminim mjekësor dhe zakonisht zhduken në 5 deri në 7 ditë. Ndryshe nga të rriturit, shumica e infeksioneve virale tek fëmijët shoqërohen me temperaturë.

Ne mund të bëjmë maksimumin me procedura të thjeshta, veçanërisht gjatë epidemive (periudha vjeshtë-dimër).

1. Shmangni hapësirat e mbyllura me shumë njerëz:

qendrat tregtare
këndet e lojërave për fëmijë
vizitat te njerëzit e sëmurë

2. Higjiena personale:

lani duart disa herë në ditë me sapun dhe ujë
teshtini dhe kollituni në bërryl

3. Mënyrë jetese e shëndetshme:

mënyrë e ekuilibruar e të ushqyerit (shumë fruta të stinës)
lëvizje në ajër të pastër
gjumë të mjaftueshëm

4. Mbrojtja më efektive kundër gripit është vaksinimi

Tek fëmijët me infeksione të shpeshta të rrugëve të frymëmarrjes konsultohuni me pediatrin, i cili do t'ju rekomandojë masat e nevojshme shtesë për forcimin e imunitetit. Për të rritur rezistencën e trupit të fëmijëve, mund të përdoren shtesa ushqimore të cilat akvitizojnë imunitetin, veçanërisht shtesa nga burime natyrore.

Kur duhet që patjetër ta vizitojmë pediatrin?

temperatura e lartë zgjat më shumë se 5 ditë
fëmija është i zbehtë, gri ose i mavijosur
reagon më keq
ka shenja të rritjes së punës së sistemit të frymëmarrjes (merr frymë përmes zgavrrave të hundës, gjatë frymëmarrjes ngreh gropën poshtë qafës, merr frymë përmes barkut) ose merr frymë më shpejt (6-12 muaj më shumë se 50 frymëmarrje në minutë, pas moshës 1 vjeç më shumë se 40 frymëmarrje në minutë)
fëmija dënesë
refuzon ushqimin dhe lëngjet, rrallë urinon, ka mukoza të thata
ka nyje ose gjymtyrë të enjtura
ka skuqje të lëkurës që nuk zbehet pas presionit (petechiae)

Të porsalindurit dhe foshnjat deri në 6 muaj kanë një sistem imunitar të papjekur. Prandaj, një vizitë tek pediatri është e nevojshme nëse temperatura është mbi 39 °C një ditë ose kanë një nga shenjat e sipër përmendura.

Infeksionet e rrugëve të frymëmarrjes janë sëmundja më e shpeshtë tek fëmijët

Njihuni me produktet tona

Njihuni me produktet tona

Regjistrohu për e-lajmet e Medis

Regjistrohu për
e-lajmet e Medis