Dallimi midis ftohjes dhe gripit

Ftohja e zakonshme është një nga infeksionet më të shpeshta të traktit të sipërm respirator, i cili mund të shkaktohet nga më shumë se 200 lloje të ndryshme virusesh. Simptomat e ftohjes shfaqen gradualisht, 10-12 orë pas infeksionit dhe arrijnë kulmin pas 1,5 deri në tre ditë. Shpesh gjithçka fillon me një dhimbje të fytit dhe/ose inflamacion të mukozës së hundës. Pavarësisht nëse e trajtoni një ftohje apo jo, proverba e vjetër thotë se ajo zgjat 7 ditë ose një javë. Megjithatë, nuk duhet të mbështetemi shumë në këtë “proverbë”, sepse është e rëndësishme të kujdesemi për parandalimin e infeksionit gjatë një ftohjeje dhe të përdorim metoda që forcojnë imunitetin tonë.

Temperatura e lartë është e zakonshme tek fëmijët që luftojnë me një ftohje ose grip. Te ftohja, fëmijët zakonisht kanë temperaturë më të ulët dhe ajo zgjat më pak se sa te gripi. Te gripi, temperatura e trupit shkon mbi 38°C dhe zgjat 3 deri në 4 ditë.

Gripin mund ta njohim nga temperatura e lartë e papritur dhe plogështia e përgjithshme

Gripi është një sëmundje më e rëndë se ftohja e zakonshme dhe shfaqet papritur. Tek fëmijët njihet nga ethet, letargjia dhe humbja e oreksit. Ashtu si ftohja e zakonshme, gripi shkaktohet nga një virus, saktësisht nga virusi i influencës (virusi i gripit). Njihen disa lloje virusesh - A, B dhe C, ndërsa tek njerëzit gripi shkaktohet më shpesh nga viruset e gripit të tipit A dhe B. Simptomat e sëmundjes shfaqen njëkohësisht dhe shumë shpejt pas fillimit të infeksionit, vetëm 4-6 orë më vonë.

Gripi transmetohet me spërkla

Virusi i gripit transmetohet me spërkla në tre mënyra:

me kontakt të drejtpërdrejtë, për shembull kur shtrëngoni duart ose putheni,
spërklat infektive gjatë kollitjes dhe teshtitjes dhe,
përmes ajrit.

Është gjithashtu shumë e rëndësishme të forcohet sistemi imunitar i fëmijës së sëmurë dhe pjesës tjetër të familjes gjatë sezonit të gripit, në mënyrë që të mos infektohet e gjithë familja.

Fëmijët e vegjël tajojnë sasi më të mëdha të virusit sesa të rriturit dhe për këtë arsye janë të infektuar për 7 ditë ose më shumë. Kjo është arsyeja pse gripi përhapet shumë shpejt tek fëmijët në shkolla dhe kopshte, ku shumë fëmijë janë së bashku në një kolektiv dhe kështu një fëmijë me grip mund të infektojë një grup të tërë. Për ta parandaluar këtë, ju këshillojmë ta mbani fëmijën tuaj të sëmurë në shtëpi dhe të mos shkojë në kopsht apo shkollë derisa të jetë plotësisht i shëndetshëm.

Është gjithashtu shumë e rëndësishme të forcohet sistemi imunitar i fëmijës së sëmurë dhe pjesës tjetër të familjes gjatë sezonit të gripit, në mënyrë që e gjithë familja të mos infektohet.

Si të shmangni marrjen e virusit të gripit?

Virusi i gripit më së shpeshti transmetohet përmes kontaktit të drejtpërdrejtë, ndaj është shumë e rëndësishme që t'i mësoni fëmijët edhe me shprehinë e larjës së duarve në mënyrë të duhur dhe rregullisht. Duart i lajmë me sapun në atë mënyrë që fillimisht i fërkojmë pëllëmbët e duarve njërën me tjetrën e poashtu e lajmë me kujdes edhe zonën midis gishtave, thonjët dhe nyjet e pëllëmbëve të duarve. Sapunin e shpëlajmë me ujë të lëngshëm, ndërsa duart i fshijmë me letër ose peshqir të pastër pambuku. Pas larjes, përpiqemi të shmangim kontaktin e sërishëm me rubinetën ose dorezën e derës. Duart lahen shpesh, para përgatitjes së ushqimit, para ngrënies, pas teshtitjes, pas kollitjes, pas shkuarjes në tualet, ngasjes në transportin publik, pas kontaktit me një person të sëmurë, ... Përveç larjes së duarve, është e rëndësishme të kolliteni në mëngë apo pecetë dhe të hidhni pecetat e infektuara për të parandaluar përhapjen e virusit.

Fëmijët e tejakalojnë gripin më lehtë se të moshuarit

Lajmi i mirë është se fëmijët e tejakalojnë gripin lehtësisht në shumicën e rasteve. Simptomat tek fëmijët zgjasin për rreth një javë ndërsa shërimi për një ose dy javë. Të rriturit gjithashtu e marrin gripin papritur, me simptomat e tyre tipike - ethe, dridhje, dhimbje koke, lodhje, dhimbje muskujsh dhe shpine, djegie në sy, ngjirje të zërit, kollë e thatë, dhimbje prapa krahërorit, dhimbje të fytit, vështirësi në frymëmarrje përmes hundës, mungesë e oreksit, ... Megjithatë, fëmijët dhe të rriturit mund ta tejkalojnë gripin pa u vizituar te mjeku sepse nuk ka terapi të veçantë. Një vizitë te mjeku rekomandohet nëse nuk arrini të ulni temperaturën, keni një ndjenjë ngulfatjeje ose vështirësi në frymëmarrje ose nëse gjendja e sëmundjes tuaj themelore përkeqësohet.

Kujdesuni për të forcuar sistemin imunitar të të gjithë familjes

Kur zbuloni se fëmija juaj ka grip, është koha për të lehtësuar simptomat. Mënyra e vetme efektive për të trajtuar gripin është pushimi, marrja e sasisë së mjaftueshme të lëngjeve, marrja e barnave kundër etheve dhe dhimbjeve, ndërsa është mirë të përdoren shtesa ushqimore të cilat e forcojnë sistemin imunitar dhe rezistencën në mënyrë që trupi i fëmijës tuaj të luftojë më lehtë kundër virusit.

Gripi tek fëmijët: si ta njohim dhe si ta shërojmë

Njihuni me produktet tona

Njihuni me produktet tona

Regjistrohu për e-lajmet e Medis

Regjistrohu për
e-lajmet e Medis